|
བོད་པའི་ཕྲུ་གུས་ཞབས་འདྲེན་ཞུ་ཡི་འདུག་ཟེར་བ་དེ་འདྲ་མ་བྱེད། |
 |
 |
 |
|
བཙན་བྱོལ།
|
ཟླ་འདིའི་ཕྱི་ཚེས་༢༥ ཉིན་ྋགོང་ས་མཆོག་གིས་ནང་ཆོས་ངོ་སྤྲོད་ཉིན་མཐའ་མའི་ཐོག་མཇུག་སྡོམ་གྱི་ཚུལ་དུ་གསུང་དོན། དེ་རིང་ནང་ཆོས་ངོ་སྤྲོད་དེ་ནང་ཆོས་ངོ་འཕྲོད་པ་དང་ཇི་ལྟར་ཉམས་སུ་ལེན་པའི་ཚུལ་གཙོ་འདོན་བྱས་པ་ཡིན། དཔེ་ཆ་དེ་ཁྱེད་རང་ཚོའི་ལག་པར་ཡོད་སྟབས་དུས་རྒྱུན་དུ་ཀློག་ནས། སོ་སོའི་ཉིན་ཞག་ཕྲུགས་གཅིག་གི་སྤྱོད་ལམ་གོམས་པའི་སྐབས་ལ་དེ་ནས་བསླབ་བྱ་ལེན་པ་དང། ལྷག་པར་དུ་རྐྱེན་ངན་ཡོང་བའི་སྐབས་ལ་དཔེ་ཆ་ཀློག་པ་ཡིན་ན། ཏན་ཏན་སེམས་ཞི་དུལ་ཆེ་རུ་འགྲོ་ཡི་རེད། སེམས་ག་ཚོད་ཀྱིས་ལྷོད་ལྷོད་ཆགས་པ་དེའི་ཚོད་ཀྱིས་སློབ་སྦྱོང་ཡག་ཏུ་འགྲོ་ཡི་རེད། མི་ཚེ་སྐྱིད་པོ་ཡོང་གི་རེད། གྲོགས་པོ་མང་པོ་ཡོང་གི་རེད། སེམས་འཚབ་འཚུབ་དང་རྐྱེན་ཅུང་ཟད་ཙམ་མི་བཟོད་པ་ཞིག་ཡིན་ན་མི་ཚེ་སྐྱིད་པོ་ཡོང་གི་མ་རེད། དེ་འདྲ་ཡིན་དུས་ཆོས་ཀྱི་བསླབ་བྱ་དེས་ཚེ་ཕྱི་མ་ཕན་པ་ཙམ་མ་ཟད། ཚེ་འདི་ཡིན་ཡང་མི་ཚེ་སྐྱིད་པོ་ཡོང་ཐུབ་པ། མི་སྒེར་སོ་སོ་བཟང་པོ་ཞིག་བྱུང་བ་ཡིན་ན་ཁྱིམ་ཚང་གི་ནང་མི་སྐྱིད་པོ་ཡོང་གི་རེད་ཅེས་གསུངས་ཡོད་པ་རེད།
|
|
དེ་ལས་མང༌།...
|
|
གཏེར་ཁ་སྔོག་འདོན་མཚམས་འཇོག་དགོས། |
|
|
|
|
བཙན་བྱོལ།
|
 རྒྱ་ནག་གིས་བོད་ནང་དུ་གཏེར་ཁ་སྔོག་འདོན་ཤུགས་ཆེན་བྱས་ཏེ། བོད་ནང་གི་ཁོར་ཡུག་ལ་གནོད་སྐྱོན་ཚབས་ཆེན་འགྲོ་བཞིན་ཡོད་ནའང་མུ་མཐུད་བོད་ཀྱི་ས་གནས་གང་སར་གཏེར་ཁ་སྔོག་འདོན་གྱི་ལས་གཞི་སྒྲིག་བཞིན་ཡོད་པ་རེད། ད་ལྟ་རྒྱ་ནག་ལ་ཁ་ན་ཌའི་བཟོ་གྲྭ་ཞིག་གིས་རོགས་སྐྱོར་འོག་ལྷ་སའི་ཉེ་འགྲམ་ཏུ་རྒྱ་མ་གྲོང་དུ་གཏེར་ཁ་སྔོག་འདོན་གྱི་ལས་གཞི་རྒྱ་ཆེན་པོ་སྒྲིག་བཞིན་ཡོད་པ་དེར། བོད་རང་བཙན་སློབ་ཕྲུག་ཚོགས་པའི་ངོས་ནས་ས་གནས་གང་སར་ངོ་རྒོལ་གྱི་ལས་འགུལ་ཤུགས་ཆེན་སྤེལ་བཞིན་ཡོད་པ་དང། |
|
དེ་ལས་མང༌།...
|
|
བོད་མི་ཞིག་ལ་ལོ་གསུམ་གྱི་ཁྲིམས་ཆད། |
|
|
|
|
བོད།
|
|
གནས་ཚུལ་ཤེས་རྟོགས་བྱུང་བ་ལྟར་ན། ཡུའུ་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་ཞེས་པའི་འབྲིང་རིམ་མི་མང་ཁྲིམས་ཁང་ནས་བོད་མི་མགོན་པོ་ཚེ་རིང་ལ་ལོ་གསུམ་གྱི་ཁྲིམས་ཐག་བཅད་ཡོད་པ་དང། ཁོང་ལ་ཕྱི་རྒྱལ་གྱི་མི་དྲུག་ལ་གློག་འཕྲིན་དང། ཁ་པར་བརྒྱུད་ནས་བོད་ནང་གི་ཞི་བའི་ངོ་རྒོལ་སྐོར་གྱི་གནས་ཚུལ་མཁོ་སྤྲོད་བྱས་པ་དང། རྒྱལ་ཁབ་ཁ་བྲལ་གྱི་ནག་ཉེས་བཙུགས་ནས་ཁྲིམས་བཤེར་གྱི་འགྲོ་སྟངས་ཁྲིམས་རྩོད་པ་སོགས་གང་ཡང་མེད་པར་ཁྲིམས་ཐག་བཅད་པ་ཞིག་ཡིན་འདུག ༢༠༠༨ ལོར་བོད་ནང་དུ་ཞི་རྒོལ་བྱུང་བ་ནས་བཟུང་རྒྱ་ནག་གཞུང་གིས་ཁ་བྲལ་བའི་ཉེས་མིང་འོག་བོད་ས་གང་སར་ཁྲིམས་ཐག་རྒྱུན་ཆད་མེད་པར་གཅོད་བཞིན་ཡོད་པ་རེད།། |
|
དགེ་འདུན་པའི་ཚན་རིག་འགྲེམས་སྟོན་ཐེངས་དང་པོ། |
|
|
|
|
བཙན་བྱོལ།
|
 ཟླ་འདིའི་ཚེས་༢༢ ཉིན་གངས་སྐྱིད་སྤྱི་ཐབ་ཚོགས་ཁང་དུ་ཉིན་གསུམ་རིང་དགེ་འདུན་པའི་ཚན་རིག་འགྲེམས་སྟོན་ཐེངས་དང་པོ་ཞེས་པ་འཚོགས་ཡོད་པ་དང། དེ་ནི་ཨ་རིའི་ཨེ་མོ་རི་གཙུག་ལག་སློབ་གཉེར་ཁང་དང། བོད་ཀྱི་དཔེ་མཛོད་ཁང་གཉིས་མཉམ་འབྲེལ་བྱས་པའི་ཚན་རིག་ཟབ་སྦྱོང་ཐེངས་གཉིས་པ་དེ་ཟླ་བ་གཅིག་ལྷག་རིང་འཚོགས་པའི་མཇུག་བསྡོམས་ལྟ་བུ་ཡིན་པ་རེད། ཚོགས་ཐོག་དེར་བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོར་ལགས་དང། ཨེ་མོ་རི་གཙུག་ལག་སློབ་གྲྭའི་དགེ་རྒན་དགེ་བཤེས་བློ་བཟང་བསྟན་འཛིན་ལགས། ཕྱི་རྒྱལ་གྱི་མཁས་དབང་གཉིས་བཅས་ཀྱིས་གསུང་བཤད་གནང་སོང།
|
|
དེ་ལས་མང༌།...
|
